داهی سئنی اوره ییمده ساخلامام
سنون آدون حک اولسادا قلبیمه
قوپارارام اؤره ییمده ساخلامام
هرنفسون داوا اولسا دردیمه
ددن اؤللم داهی درمان حاقلامام
لال اولوبان دانیشمارام سؤزومی
کؤر ائده رم سنه باخار گؤزومی
اوت توتسامدا یاندیرارام اؤزومی
حسرتوندن قهرلنیب آغلامام
گونلریمی غم ایچینده آیلارام
غصه لرین قاپی قاپی پایلارام
جارچکرم یالتیزلیقی هایلارام
داهی سنی اوره ییمده ساخلامام
نظزرون وار تئلرینده تاجلارا
یارامازسان منیم تکین آجلارا
دن سالسوندا باشیمداکی ساچلارا
دا چالدوقون غملی سازا یوخلامام
شمع اولارام داملادملا اریره م
غم یوو کورییمه سریره م
خاطیرلارون خیالیمدان ده ریره م
داباغریمی سنون ایچون داغلامام
سودالییام سودالیقی بیلرم
گئدر یولو قاییدیبان گلرم
قانلی یاشی گؤزلریمدن سیلرم
یالنیز قالام دای سنه بئل باغلامام
اوستادتاپیلماز
سایت رســـمی شاعــرتاپیلماز مراغه ای ییمده ,داهی ,ساخلامام ,اوره ,ییمده ساخلامام ,اوره ییمده ,اوره ییمده ساخلامام منبع
درباره این سایت