دیله گئلمیشم
دوداقیم آچیلیب دیله گلمیشم
بولبولتک اوخویوب گوله گلمیشم
وار دلی کؤنلومین بیر کیتاب سؤزو
آغلایا آغلایا ائله گلمیشم
چکمیشم دونیانین غمین محنتین
غصه سین باغلایب بئله گلمیشم
ائلیمین دردیندن قان اولوب کؤنلوم
لاله تک داغلاردا دیله گلمیشم
تیکیلیب دوداقیم آغلایب گؤزوم
داملا داملا آخیب سئله گلمیشم
قودوزلار ایچینده گونوم باتسادا
اؤزتوتوب چمنه چؤله گلمیشم
بیر اوویج محببت بیر باهار گولدن
بوخجابوخجا توتوب شئله گلمیشم
توتولوب بوغازیم سوسانیب دیلیم
سؤزلریم قاریشیب یئله گلمیشم
تاپیلماز باغ کیمین دولموشام گوله
بیر دسته باغلاییب ائله گلمیشم
اوستادتاپیلماز
سایت رســـمی شاعــرتاپیلماز مراغه ای گلمیشم ,دیله ,دیله گلمیشم منبع
درباره این سایت